पुणे: पुढारी वृत्तसेवा
लायसन्सवरील पत्त्यामध्ये काही चूक असल्यास किंवा पत्ता बदलायचा असल्यास आता तूम्हाला आरटीओ कार्यालयात जाण्याची गरज नाही. पत्त्यांमध्ये दुरूस्ती किंवा बदल तूम्ही स्वतः करू शकता. मोटार वाहन अधिनियम 1988 अंतर्गत, आरटीओ विभागाने वाहन चालकांना पत्ता स्वतः दुरुस्त करण्याची परवानगी दिली आहे. वाहन चालकांसाठी ड्रायव्हींग लायसन्स अत्यंत आवश्यक आहे. रस्त्यावर गाडी चालवताना लायसन्स नसल्यास 10 हजार रूपयांपर्यंत दंड भरावा लागू शकतो. तसेच ड्रायव्हींग लायसन्स वरील सर्व माहित अचूक असणेही गरजेचे आहे. त्यामुळे वाहनचालकांसाठी ही चांगली बातमी आहे.
जर तूम्ही तुमचे निवासस्थान कायमचे बदलले असेल किंवा काही कालावधीसाठी इतर ठिकाणी रहात असाल, तर तूम्ही तुमच्या ड्रायव्हींग लायसन्सवरील पत्त्यामध्ये देखील बदल करणे आवश्यक आहे. यासाठी तूम्हाला दोन पर्याय देण्यात आले आहेत. तूम्ही आरटीओ कार्यालयात जाऊन पत्ता बदलू शकता किंवा तुमच्या मोबाईलवरून ऑनलाईनही पत्ता बदलू शकता. यासाठीचे शुल्क ऑनलाइन पध्दतीने भरावे लागेल.
दुसऱ्या पानावर तुम्हाला अॅप्लिकेशन नंबर दिसेल, तुम्ही तो पुढील वापरासाठी प्रिंट करू शकता. त्यानंतर नेक्स्ट बटणावर क्लिक करा.
फॉर्म 33 मध्ये अर्ज करण्यासाठी, तुमच्याकडे नोंदणी प्रमाणपत्र, नवीन पत्त्याचा पुरावा, चालू (वैध) विमा प्रमाणपत्र, प्रदूषण नियंत्रण प्रमाणपत्र, फायनान्सरचे ना हरकत प्रमाणपत्र, पॅन कार्ड किंवा फॉर्म 60 आणि फॉर्म 61, चेसिस आणि इंजिन पेन्सिल प्रिंट या सर्व कागदपत्रांच्या सेल्फ अटेस्टेड म्हणजेच स्वतःची स्वाक्षरी असणाऱ्या प्रती आवश्यक आहेत.