पुढारी ऑनलाईन डेस्‍क : केंद्रीय अर्थमंत्री निर्मला सीतारामन आज आर्थिक वर्ष २०२४-२५ साठी अर्थसंकल्प सादर केला. अर्थसंकल्प जाहीर झाल्‍यानंतर आता कोणत्‍या वस्तू स्वस्त आणि महाग हाेतील याविषयी जाणून घेवूया...
अर्थमंत्र्यांनी मोबाइल फोन, मोबाइल चार्जरवरील बीसीडी १५ टक्क्यांपर्यंत कमी करण्याची घोषणा केली. सोने आणि चांदीवरील सीमाशुल्क ( कस्टम ड्युटी) ६ टक्के आणि प्लॅटिनमवर ६.४. टक्के कपता केला आहे.तीन कॅन्सर उपचार औषधांना मूळ सीमा शुल्कातून सूट देण्यात आली आहे. सौर पॅनेलच्या निर्मितीमध्ये वापरल्या जाणाऱ्या सूट भांडवली वस्तूंची यादी वाढवण्याचाही प्रस्ताव दिला आहे.
एक्स-रे मशीन्स, कर्करोगाची औषधे, मोबाईल फोन, मोबाईल फोनचे भाग, मोबाईल फोन चार्जर, सोलर सेल, सौर पॅनेल, इलेक्ट्रिक वाहने, पादपात्रे, सोने आणि चांदी, प्लॅटिनमपासून बनवलेल्या वस्तू, आयात केलेले दागिने.
स्फोटक बनवण्यासाठी वापरले जाणारे अमोनियम नायट्रेट महागणार आहे. त्‍याबराेबरच जाहिरातींसाठी वापरल्या जाणाऱ्या फ्लेक्स किंवा बॅनरवरील कस्टम ड्युटी आणखी महाग होईल त्यावरील बीसीडी 10 टक्क्यांवरून 25 टक्क्यांपर्यंत वाढवण्यात आली आहे.