Gujarat Drug Bust 2026: भारतीय तटरक्षक दलाने अरबी समुद्रात मोठी कारवाई केली आहे. अंमली पदार्थ सिंडिकेट चालवणाऱ्या आंतरराष्ट्रीय टोळीला हा मोठा धक्का मानला जात आहे. गुजरात एटीएससोबत मिळून भारतीय तटरक्षक दलाने राबवलेल्या मोहिमेत तब्बल ५६२ किलो उच्च दर्जाचे अंमली पदार्थ जप्त करण्यात आले आहे.
या अंमली पदार्थाची आंतरराष्ट्रीय बाजारातील किंमत जवळपास ३००० कोटी रूपयांपेक्षा जास्त असल्याचं सांगितलं जात आहे. या कारवाईवेळी तटरक्षक दलाने संशयित इराणी जहाज जप्त केली आहे. त्यावरील पाकिस्तानी नागरिकांना ताब्यात घेण्यात आलं आहे. हा कारवाई २५ सप्टेंबर रोजी लक्षद्वीपच्या पश्चिममध्ये अरबी समुद्रात करण्यात आली.
भारतीय तटरक्षक दल आणि गुजरात एटीएसने अंमली पदार्थाची खेप समुद्राच्या मार्गाने येणार आहे अशी टीप मिळाली होती. त्यानंतर समुद्र मार्गे आणि हेलिकॉप्टरमधून देखील शोधमोहीम सुरू केली होती. माहिती कन्फर्म झाल्यावर या इराणी लाकडी जहाजाचा पाठलाग केला. शेवटी हे लाकडी जहाज थांबवून त्याचा तपास करण्यात आला.
या तपासात ५२६ किलो बंदी असलेले अंमली पदार्थ जप्त करण्यात आले. यात हेरॉईन आणि मेथामफेटामाईन याचा समावेश होता आंतरराष्ट्रीय बाजारात या जप्त केलेल्या अंमली पदार्थाची किंमत ही ३००० कोटी रूपयांच्या वर असल्याचं सांगण्यात येत आहे.
या कारवाईत जहाजावर पाच पाकिस्तानी नागरिकांना देखील अटक करण्यात आली आहे. भारतीय तटरक्षक दलाने जहाज आणि त्याच्या चालक दलाला तसेच जप्त केलेल्या अंमली पदार्थांना मुंबईत पोहचवण्यात आलं. तिथं त्यांची संयुक्तरित्या चौकशी केली जाणार आहे.
भारतीय तटरक्षक दलाने सांगितल्याप्रमाणे हे ऑपरेशन आंतरराष्ट्रीय अंमली पदार्थ तस्करी नेटवर्कच्याविरोधातील मोठी कारवाई आहे. समुद्र आणि आकाशातून सतत गस्त घातली जाते संशयास्पद जहाजांची ओळख पटवून त्या रोखल्या जातात. यावेळी भारतीय तटरक्षक दलाने मोठी खेप भारतात पोहचण्यापूर्वीच कारवाई केली आहे. तटरक्षक दलाला मिळालेले हे मोठे यश मानले जात आहे.