छत्रपती संभाजीनगर : मराठा समाजाबद्दल फडणवीसांच्या मनात द्वेष आहे. त्यांनी मला जेलमध्ये टाकले तर त्यांना दिसेल मराठा समाज काय असतो ते… कापूस फुटल्यानंतर संपूर्ण शेत पांढरे दिसते तसे सर्वत्र मराठेच – मराठे दिसतील, असा इशारा मराठा आरक्षण आंदोलनाचे नेते मनोज जरांगे यांनी दिला आहे.
छत्रपती संभाजीनगरच्या खासगी रुग्णालयात उपचार घेत असलेल्या जरांगे यांनी बुधवारी सकाळी पत्रकारांशी संवाद साधला. ते म्हणाले, सरकारने शिष्टमंडळ पाठवून मराठा समाजाची फसवणूक केली आहे. आज देऊ-उद्या देऊ अशी आश्वासने दिली. यात मंत्री, अधिकारी आणि मुख्यमंत्र्यांचे ओएसडी आहेत. या सर्वांविरुद्ध राज्यभर गुन्हे दाखल करू.
काय म्हणाले जरांगे…
- माझ्यावर दबाव आणून महाराष्ट्र अशांत करू नका.
- मी राजकीय टीका केलेली नाही. मी त्यांच्या नेत्याला बोललो तर मराठा समाजाच्या नेत्यांना राग येण्याचे कारण काय?
- दहा टक्क्यांचे आरक्षण स्वीकारले, तर मी चांगला आणि नाही स्वीकारले तर याला गुंतवा, अशी यांची भूमिका आहे. त्यामुळे माझा संयम सुटला.
- राज्य सरकारकडून दडपशाही सुरू. मात्र, आंदोलकांनी शांततापूर्वक आंदोलन करावे.
लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.
'Pudhari' is excited to announce the relaunch of its Android and iOS apps. Stay updated with the latest news at your fingertips.
Android and iOS Download now and stay updated, anytime, anywhere.