वर्धा : अज्ञात चोरट्यांनी घराच्या दाराचे कुलूप तोडून घरातून ७० हजार रुपयांचा ऐवज लंपास केला. ८ मार्च रोजी हिंगणघाट येथील संत ज्ञानेश्वर वॉर्ड परिसरात ही घटना घडली.
हिंगणघाट येथील शिवालय नगर संत ज्ञानेश्वर वॉर्ड येथील रमेशराव जिलपे (वय ५०) घराला कुलूप लावून बाहेर गेले होते. घरी परतल्यानंतर त्यांना घराच्या दाराचा कुलूपकोंडा तुटलेला दिसला. अज्ञात चोरट्यांनी सोन्याचे दागिने, रोख दहा हजार रुपये असा ७० हजार रुपयांचा ऐवज लंपास केल्याचे दिसून आले. याप्रकरणी तक्रारीवरून हिंगणघाट पोलिसांनी गुन्हा दाखल केला. याप्रकरणी पुढील तपास सुरू आहे.