Fighter Plane Crash Assam
नागपूर : आसाममध्ये झालेल्या भारतीय वायू सेनेचे विमान अपघातात दोन वायुसेना अधिकारी शहीद झालेले आहेत. या विमान अपघातात नागपुरातील 28 वर्षीय पूर्वेस दुरगकर यांना वीरमरण आले आहे.
जिल्हा नियंत्रण कक्ष येथे प्राप्त माहितीनुसार आसामच्या कार्बी आंगलोंग जिल्ह्यात काल झालेल्या सुखोई-३० एम.के.आय. फायटर जेटच्या भीषण अपघातात भारतीय वायुसेनेचे दोन अधिकारी शहीद झाले आहेत. स्क्वाड्रन लीडर अनुज आणि फ्लाइट लेफ्टिनेंट पुरवेश दुरुगकर अशी दोघांची नावे आहेत. यातील फ्लाइट लेफ्टिनेंट पुरवेश दुरुगकर हे नागपूर जिल्ह्यातील रहिवासी असून डीएसए अकादमी, शहापूर जिल्हा भंडारा येथे त्यांनी शिक्षण घेतले.
भारतीय वायुसेनेचे हे फ्रंटलाईन फायटर जेट गुरुवारी नियमित सराव करत असताना अचानक रडारवरून बेपत्ता झाले. आसामच्या कार्बी आंगलोंग जिल्ह्यातील घनदाट जंगल आणि डोंगराळ भागावरून उड्डाण करत असताना विमानाचा ग्राउंड कंट्रोलशी असलेला संपर्क तुटला. त्यानंतर तातडीने शोधमोहीम हाती घेण्यात आली. मात्र या अपघातात दोन्ही वैमानिकांना वाचवण्यात यश आलेले नाही.