Nagpur Revenue Inspector Bribe Case
नागपूर: जिल्ह्यात सावनेर तहसील कार्यालयातील रेव्हेन्यू इन्स्पेक्टर 25 हजारांची लाच घेताना एसीबीच्या जाळ्यात अडकला. प्रवीण मेश्राम असे अधिकाऱ्याचे नाव आहे. या कारवाईमुळे महसूल विभागात खळबळ उडाली आहे.
पाटणसावंगी येथील कार्यालयात लाचलुचपत प्रतिबंधक विभागाच्या (एसीबी) पथकाने 25 हजार रुपयांची लाच स्वीकारताना ही कारवाई केल्याची माहिती समोर आली आहे. प्राथमिक माहितीनुसार, संबंधित प्रकरणातील फेरफार करण्यासाठी संबंधित अधिकाऱ्याने तब्बल 75 हजार रुपयांची मागणी केली होती. त्यापैकी 50 हजार रुपये यापूर्वी स्वीकारण्यात आल्याचे सांगितले जात आहे. उर्वरित 25 हजार रुपये स्वीकारताना एसीबीच्या पथकाने सापळा रचून ही कारवाई केली.