नागपूर, पुढारी वृत्तसेवा : भंडारा जिल्ह्यातील तुमसर वनपरिक्षेत्रातील झांजरिया जंगलात तलावाजवळ तीन वर्षे वयाच्या वाघिणीच्या मृतदेहाचे चार तुकडे आढळल्याप्रकरणी तीन आरोपींना अटक करण्यात आली आहे.
सोमवारी या वाघिणीच्या मृतदेहाचे तुकडे आढळून आल्याने खळबळ उडाली होती. या वाघिणीचा विद्युत प्रवाहाने मृत्यू झाल्याचे तपासात उघड झाले होते. वन अधिकाऱ्यांच्या उपस्थितीत शवविच्छेदन करण्यात आले. तालुक्यातील वाघाच्या मृत्यूची आठवड्यातील दुसरी घटना आहे. झांजरियाच्या कक्ष क्रमांक 74 बीआरएफ मध्ये या तलावाच्या बांधालगत ही वाघीण मृत अवस्थेत आढळून आली होती.