Gadchiroli Youth Body Found
गडचिरोली: भामरागड तालुक्यातील तुमरकोठी गावानजीकच्या रस्त्यावरील नाल्यात एका तरुणाचा मृतदेह आढळून आल्याने खळबळ माजली. कोमटी मासू वड्डे (४५) असे मृत तरुणाचे नाव असून, तो तुमरकोठी येथील रहिवासी होता. ही घटना गुरूवारी (दि.२३) सकाळी उघडकीस आली.
आज सकाळी ८ वाजताच्या सुमारास तुमरकोठी-मरकनार मार्गावरील नाल्यात गर्द निळी टी-शर्ट व हाफ पँट घातलेल्या तरुणाचा मृतदेह आढळून आला. घटनेची माहिती मिळताच पोलिसांनी घटनास्थळ गाठून पंचनामा केला. तहसीलदार किशोर बागडे यांनीही आपत्ती व्यवस्थापन पथक रवाना केले. कोमटी वड्डे याचा मृत्यू नेमका कशामुळे झाला, हे कळू शकले नाही.