चंद्रपूर : शाळेतून काढून टाकल्याच्या रागावरून दोन विधी संघर्ष बालकांनी शाळेतील कॅम्प्युटर, सीसीटीव्ही कॅमेरे, डीव्हीआर चोरी केल्याची घटना उघडकीस आली आहे. रामनगर पोलिसांनी दोघा अल्पवयीन बालकांना ताब्यात घेतले आहे.
पोलिसांनी दिलेल्या माहितीनुसार, रामनगर पोलीस स्टेशनच्या हद्दीतील एका माध्यमिक शाळेमधून दि.१७ मे रोजी पोलीस स्टेशन रामनगर हद्दीतील माध्यमिक शाळेतील कॅम्प्युटर, सीसीटीव्ही कॅमेरे, डीव्हीआर इत्यादी साहित्य चोरीची तक्रार नोंदविण्यात आली होती. सदर गुन्ह्याचा तपास रामनगर पोलीस स्टेशनचे गुन्हे शोध पथकाने करुन तपासा दरम्यान शाळेत गैरवर्तनाच्या कारणावरुन शाळेतुन काढून टाकलेल्या दोघा विधी संघर्ष बालकांनी शाळेतील साहित्याची चोरी केल्याची माहिती निष्पन्न झाली.
रामनगर पोलिसांनी दोन्ही विधी संघर्ष बालकांना त्यांच्या पालकांसमक्ष ताब्यात घेवून विचारपूस केली असता त्यांनी चोरी केल्याची कबुली दिली. त्यांच्याकडून शाळेतून चोरलेले कॅम्प्युटर, सीसीटीव्ही कॅमेरा, डीव्हीआर मशीन आदी साहित्य अंदाजे किंमत ४३,७०० रुपयाचा ऐवज जप्त करण्यात आला. दोन्ही विधी संघर्ष बालकांना ताब्यात घेवून बाल न्यायालयात हजर करण्यात आले आहे.
सदर घटनेचा तपास पोलीस अधीक्षक मुम्मका सुदर्शन, अपर पोलीस अधीक्षक रिना जनबंधु, उपविभागीय पोलीस अधिकारी सुधाकर यादव यांचे मार्गदर्शनात पोलीस निरीक्षक आसिफराजा शेख, पोलीस स्टेशन रामनगर यांचे नेतृत्वात सपोनि देवाजी नरोटे, सपोनि हनुमान उगले, पो अं. जितेंद्र आकरे, शरद कुडे, आनंद खरात, लालु यादव, पेतरस सिडाम, प्रशांत शेंदरे, सचिन गुरनुले, मनिषा मोरे, रविकुमार ढेंगळे, संदीप कामडी, हिरा गुप्ता, पंकज ठोंबरे, प्रफुल्ल पुप्पलवार, ब्ल्युटी साखरे यांनी केला.