भंडारा: सुरक्षा किटचे वाटप करताना गर्दीवर नियंत्रण ठेवण्यासाठी पोलिसांनी महिला मजुरांवर सौम्य लाठीचार्ज केला. नोंदणीकृत बांधकाम कामगारांना कामगार विभागाकडून सेफ्टी ग्लोव्हजचे वाटप करण्यात येत आहे. ही घटना सोमवारी (दि.30) महिला मजुरांना सुरक्षा किटचे वाटप सुरू असताना घडली. पाणी व अन्न नसल्याने रांगेत उभ्या असलेल्या महिला मजूर बेशुद्ध होऊन कोसळल्या. अशा स्थितीत किट वितरण कंत्राटदाराच्या कार्यशैलीवर प्रश्न उपस्थित होत आहेत.
जिल्हास्तरावर बांधकाम कामगारांना सेफ्टी ग्लोव्हजचे वाटप करण्यात येत आहे. शहरातील राष्ट्रीय महामार्ग क्रमांक ५३ वरील अग्रसेन भवन, बेलाचे सचिन लॉन आणि स्टेशन रोडवरील माँ भवानी लॉनच्या आवारात ठेकेदाराकडून या किटचे वाटप केले जात आहे. मोहाडी येथील परमात्मा एक हॉलमध्ये किट वाटपाची व्यवस्था करण्यात आली आहे. मात्र इतर तालुक्यातील मुख्यालयापासून ७० ते ८० किमी अंतरावर महिला मजूर किट घेण्यासाठी सकाळपासूनच गर्दी करत आहेत. सोमवारी अग्रसेन भवनात कीट वाटपाचा कार्यक्रम सुरू होता. यावेळी प्रदीर्घ प्रतीक्षेनंतर महिला मजुरांच्या संयमाचा बांध फुटू लागल्यावर त्या सर्व मिळून किट काढण्यासाठी आत जाऊ लागल्या. त्यानंतर परिस्थिती नियंत्रणात आणण्यासाठी पोलिसांनी महिला मजुरांवर सौम्य लाठीमार केला. विशेषत: महिलांसाठी किट वाटपाच्या ठिकाणी पाणी, भोजन किंवा बसण्याची व्यवस्था करण्यात आलेली नाही.
सुरक्षा किट आणि स्वयंपाकघरातील वस्तूंचे वाटप करण्यासाठी ठिकठिकाणी स्टॉल्स लावण्यात आले आहेत. मात्र ही योजना बंद होईल, सरकार बदलले तर लाभ मिळणार नाही, अशा अफवा ग्रामीण मजुरांमध्ये पसरवल्या जात आहेत. त्यामुळे साई मंदिराजवळील कामगार कार्यालयात तसेच कीट वाटपाच्या ठिकाणी कामगारांची गर्दी असते.