Pauni road two killed in accident
भंडारा: दुचाकीवरुन जाणाऱ्या तिघांना भरधाव अज्ञात वाहनाने धडक दिली. यात दुचाकीवरील दोघांचा जागीच मृत्यू झाला, तर तिसरा गंभीर जखमी झाला. ही घटना पवनी मार्गावरील पालोरा चौरास येथे मंगळवारी (दि.१४) सकाळी ७ वाजताच्या सुमारास घडली.
धनंजय गजानन भानारकर (वय ३८) रा.पिंपळगाव निपानी आणि राजेश चेपा गजभिये (वय ४५) रा.बोरगाव/खांबाडी अशी मृतांची नावे आहेत.
धनंजय भानारकर हा त्याचे सहकारी मित्र सचिन नारायण गाडेकर रा. पिंपळगाव निपानी व राजेश चेपा गजभिये यांच्यासह मोटारसायकल क्र. एमएच ३१ बी. वाय. ९९२३ ने पवनी येथे जात असताना पालोरा चौरास येथे मागेहून येणाºया अज्ञात वाहनाने त्यांच्या मोटारसायकलला जोरात धडक दिली. यात धनंजय भानारकर व राजेश गजभिये यांचा मृत्यू झाला. तर सचिन गाडेकर हा गंभीर जख्मी झाला.
याप्रकरणी अड्याळ पोलिसांनी अज्ञात वाहनचालकाविरुद्ध गुन्हा नोंदविला आहे. अधिक तपास पोलिस उपनिरीक्षक जयराम चव्हाण करीत आहेत.