ठाणे : दिव्यात पाणी संकट तीव्र, प्रशासनाचे दुर्लक्ष, पाणीमाफिया तेजीत

दिवा : दिव्यात पाणीसंकटाचा वर्षानुवर्षे सातत्याने दिवावासीय सामना करीत आहेत. पाणी हे जिवन या संकल्पनेनुसार अनेकवर्ष दिवावासीय पालिकेच्या भोंगळ आणि दुर्लक्षित कारभाराचे फलित भोगत आहेत. तर 5 लाखांपेक्षा अधिक लोकसंख्या असलेल्या दिव्यातील समस्यांचे निकरण न झाल्याने 21 व्या शतकातही दिवावासी जिवन (पाणी) विकत घेताहेत अशी दयनीय स्थिती आहे. हा गंभीर प्रश्न नेमका कधी सुटणार अशी मागणी नागरिक करत आहेत.

दिवसेंदिवस दिव्यातील लोकसंख्या लाखोंच्या घरात पोहचली आहे. किंबहुना दिवासीयांना मूलभूत सुविधांसाठीही वणवण भटकंती करावी लागत आहे. ठाण्याचे उपमहापौर दिव्यातून मिळाले. मात्र दिव्याचा विकासचं झाला नसल्याचे चित्र आहे. दिवा हे आजच्या स्थितीला नागरी समस्यांचे आगार झाले आहे. पोलीस ठाणे कोसो दूर, पाण्याची उन्हाळा असो कि पावसाळा भीषण टंचाई, ठाणे पाणी वितरणाची कुचकामी व्यवस्था, वाहतुकीच्या तीन-तेरा विविध मूलभूत आणि शहर बनण्याकडे वाटचाल करणार्‍या दिव्यात सुविधांचा वानवा आहे. पाण्यासाठी अनेक आंदोलने झाले. पाणी वितरण व्यवस्था अकार्यक्षम दिव्याला पाणीपुरवठा करणायचा दावा ठाणे पालिका पाणीपुरवठा विभाग करीत आहेत.

दिव्यातील नागरिकांना पाणीपुरवठा होण्यासाठी 2012 पूर्वी दोन जलकुंभ बेतवडे येथे बांधण्यात आले. मात्र या जलकुंभातून पाणीपुरवठा न होताच हे बंद स्थितीत आहेत. चुकीचे नियोजन करणार्‍या अधिकारी व ठेकेदार यांच्यावर या संदर्भात काय कारवाई झाली असा प्रश्नही ज्योती पाटील यांनी विचारला आहे. भर पावसात पाणीटंचाई नागरिकांना भेडसावत असेल तर याचा जाब विचारावाच लागेल असेही ज्योती पाटील यांनी सांगितले. बनविलेल्या एक जलकुंभ गळती लागलेली आहे.त्यामुळे मिळणारे अतिरिक्त पाणी साठवणूक करता येत नाही. तर दुसरा जलकुंभाची स्टोरेज टँक बनविण्यात न आल्याने तोही निकामी अथार्त आहे असल्याच्या नागरिकांच्या संतप्त प्रतिक्रिया आहेत.