बदलापूर : पंकज साताळकर
अंबरनाथ तालुक्याच्या सहाय्यक निबंधक सरकारी कार्यालयातील दोन लाचखोरांना (विजयसिंह पाटील आणि चेतन चौधरी) अँटीकरप्शन विभागाने रंगेहाथ पकडल्यानंतर या कार्यालयातील अनेक भ्रष्टाचाराची नमुने आता समोर येऊ लागले आहेत. अंबरनाथ तालुक्याच्या दुय्यम सहकारी निबंधक कार्यालयात काम करणारा एक कर्मचाऱ्याची नुकतीच बदली झाली असून गेल्या पाच वर्षात या अधिकाऱ्याने संपूर्ण अंबरनाथच्या सहकारी संस्था दुय्यम निबंधक कार्यालयाचा ताबा हाती घेऊन बिल्डरांची अधिकृत दलाली करून रि-डेव्हलपमेंटचे प्रपोजल मंजूर करणे, त्यासाठी आवश्यक त्या कागदपत्रांची जुळवाजुळव करणे, सहकारी सोसायट्यांची नोंदणी करणे, तसेच सरकारी सोसायटीच्या रि-डेव्हलपमेंटची मीटिंग कॉल करणे अशा विविध संदर्भात हा अधिकारीच सर्व एजंटगिरीचे अधिकृत कामे बिल्डरांच्या कार्यालयात जाऊनच करत असल्याच्या असंख्य तक्रारी आता समोर येत आहेत.
अंबरनाथ येथील सहकारी गृहनिर्माण संस्थेच्या दुय्यम निबंधक कार्यालयाचे सर्व धागेदोरे हे उपजिल्हा निबंधक कार्यालय ठाणे यांच्याशी जोडले गेले आहेत. त्यामुळे अंबरनाथ आणि ठाणे या दोन्ही कार्यालयांचा आपापसातील संगनमतामुळे आज सर्वसामान्य नागरिकांना कन्व्हेन्स डिड आणि डीम कन्व्हेन्स मध्ये होणारा त्रास हा या कार्यालयांच्या जाचा मुळेच अधिक होत असल्याचंही समोर येत आहे. एकूणच या दोन लाचखोरांच्या अटकेनंतर अंबरनाथ आणि ठाणे येथील जिल्हा उपनिबंधक कार्यालयाच्या अधिकारी कर्मचाऱ्यांचे एकमेकांशी असलेलं कनेक्शन तपासण्याची मागणी ही बदलापुरात रि डेव्हलपमेंट संदर्भातील कामे करणारे अनेक निष्णात वकील करत आहेत.
त्यामुळे सरकारी कर्मचारीच दलालीचे काम करणाऱ्या या अधिकृत दलालांची आता अँटीकरप्शन मार्फत चौकशी करून गेल्या पाच वर्षात अंबरनाथ आणि बदलापूर या दोन्ही शहरात मोठ्या प्रमाणात झालेल्या री डेव्हलपमेंटच्या प्रकरणांची चौकशी झाल्यास त्यातून झालेला भ्रष्टाचाराचे अनेक मोठी प्रकरण समोर येऊ शकतात. या कार्यालयात भ्रष्टाचारी अधिकाऱ्यांनी जमवलेली खोट्यावधी रुपयांची माया समोर येऊ शकते. ठाणे अँटी करप्शन विभागानेही या कार्यालयाचा ताबा घेऊन विविध प्रकरणाच यापूर्वी प्राप्त झालेल्या तक्रारींचा तपास सुरू केला आहे. त्यामुळे अंबरनाथ सहकारी दुय्यम निबंधक कार्यालयाच्या भ्रष्टाचारातून दररोज कोट्यवधी रुपयांची माया जमवलेल्यांची आता झोप उडाली आहे. अंबरनाथ सहकारी दुय्यम निबंधक कार्यालयात रि डेव्हलपमेंट साठी शहरातील अनेक होतकरू आणि नवोदित बिल्डर हे नेहमी चकरा मारत असतात. मात्र या कार्यालयात काम करणारा एक कर्मचारी हा काही मोजक्याच बिल्डरांच्या दलाल्या करून विशिष्ट प्रकरणांना रि डेव्हलपमेंटची तातडीने मंजूर करण्यासाठी खटाटोप करत असल्याच्या तक्रारी आता अँटी करप्शन विभागाकडे प्राप्त होत आहे.