ठाणे : पुढारी ऑनलाइन डेस्क | महाशिवरात्री निमित्ताने कापूरबावडी, ढोकाळी, कोलशेत, मनोरमानगर, मानपाडा भागातील हजारो नागरिक दर्शनासाठी मंदिरात गर्दी करतात. मंदिर परिसरात जत्रा परिसरात जत्रेचे स्वरुप प्राप्त होत असते. या पार्श्वभूमीवर वाहतुक कोंडी होऊ नये म्हणून ठाणे वाहतुक पोलिसांनी वाहतुक मार्गात मोठे बदल लागू केले आहेत.
महाशिवरात्र निमित्त बुधवार (दि.26) ते शनिवार, दि. 1 मार्च या कालावधीत दररोज सायंकाळी 4 ते 10 या वेळेत वाहतुक बदल करण्यात आलेले आहेत. वाहतुक बदलामुळे पर्यायी मार्गांवर भार येऊन वाहतूक कोंडीची शक्यता आहे. ढोकाळी येथील मंदिरात देखील नंदीबाबा मित्र मंडळाच्या वतीने महाशिवरात्रीचे आयोजन करण्यात आले आहे.
मानपाडा-माजिवडा प्रभाग समिती येथून हायलँड रोड मार्गे कोलशेत, ढोकाळीच्या दिशेने वाहतूक करणाऱ्या वाहनांना प्रभाग समितीजवळ प्रवेशबंदी असेल. येथील वाहने आर माॅल किंवा बाळकुम नाका, दोस्ती वेस्ट काँटी मार्गे वाहतुक करतील. कोलशेत येथून नंदीबाबा मंदिर मार्गे किंवा प्रभाग समिती मार्गे कापूरबावडीच्या दिशेने वाहतुक करणाऱ्या वाहनांना ढोकाळी सिग्नल येथे प्रवेशबंदी असेल. येथील वाहने मनोरमानगर किंवा लोढा अमारा, ब्रम्हांड मार्गे वाहतुक करतील. हे वाहतुक बदल महाशिवरात्र निमित्त बुधवार (दि.26) ते शनिवार, दि. 1 मार्च या कालावधीत दररोज सायंकाळी 4 ते रात्री 10 या वेळेत लागू असतील.
ढोकाळी नाका परिसरात नंदीबाबा मंदिर आहे. या मंदिरात दरवर्षी महाशिवरात्रीचे आयोजन केले जाते. तसेच परिसरात चार दिवस जत्रा देखील भरते. त्यामुळे ठाणे वाहतुक पोलिसांनी येथील मार्गावर वाहतुक बदल लागू केले आहेत. ठाण्याहून घोडबंदरच्या दिशेने वाहतुक करणाऱ्या मार्गिकेवरून नळपाडा मार्गे कोलशेतच्या दिशेने वाहतुक करणाऱ्या वाहनांना नळपाडा सिग्नल येथे प्रवेश बंदी असेल. येथील वाहने कापूरबावडी मार्गे सरळ, मानपाडा पूलाखालून वळण घेऊन आर माॅल मार्गे इच्छितस्थळी जातील.