बोईसर : तारापूर औद्योगिक क्षेत्रातील कंपनीत स्फोट झाल्याने मोठी दुर्घटना घडली आहे. धार्मित रिसायकलिंग इंडस्ट्रीज या कंपनीत स्फोट होऊन आग लागल्याची धक्कादायक घटना समोर आली आहे. कंपनीमधील स्फोट नेमक्या कोणत्या कारणामुळे झाला याबाबतची कोणत्याही प्रकारची माहिती समजली नाही. या दुर्घटनेत कंपनीतील तीन कामगार गंभीर जखमी झाले असून एक कामगार किरकोळ जखमी झाला आहे. उपचारासाठी रुग्णालयात दाखल करण्यात आले आहे.
तारापूर औद्योगिक क्षेत्रात एका इंडस्ट्रीजमध्ये भीषण स्फोट झाला आहे. या स्फोटात तीन कामगार गंभीर जखमी झाले आहेत. तारापूर औद्योगिक क्षेत्रातील धर्मित रिसायकलिंग इंडस्ट्रीजमध्ये हा स्फोट झाला. या स्फोटात तीन कामगार गंभीर जखमी झाले असून एकाची प्रकृती चिंताजनक आहे
तारापूर औद्योगिक क्षेत्रातील प्लॉट नंबर जी.44 स्थित कंपनीत स्फोट आग लागल्याची घटना घडली आहे. धार्मित रिसायकलिंग इंडस्ट्रीज या कंपनीत शुक्रवार (दि.25) सकाळी अकरा वाजताच्या सुमारास अचानक स्फोट झाला. स्फोट होऊन कंपनीत आग लागली दरम्यान घटनेची माहिती मिळताच बोईसर पोलीस आणि अग्निशमन दलाचे जवान घटनास्थळी दाखल झाले. या आगीवर नियंत्रण मिळवण्याचे प्रयत्न अग्निशमन दलामार्फत सुरू आहेत.
धार्मित रिसायकलिंग इंडस्ट्रीज या कंपनीत कॉपर सल्फेट बनवण्यात येते. कंपनीत उत्पादन सुरू असताना स्फोट प्राथमिक माहिती समोर आली आहे. उत्पादन सुरु असताना झालेल्या स्फोटात कंपनीतील तीन कामगार गंभीररीत्या जखमी झाले आहेत तर एक कामगार किरकोळ जखमी झाला आहे. दुर्घटनेत जखमी झालेल्या जखमी कामगारांना बोईसर येथील तुंगा रुग्णालयात उपचारासाठी दाखल करण्यात आले असून सध्या जखमींवर उपचार सुरू आहेत. दरम्यान, कंपनी मालकांना चौकशीसाठी पोलिसांनी बोलावून घेतल्याची माहिती समजत आहे. त्यामुळे कंपनीमध्ये आवश्यक सुरक्षेची यंत्रणा वापरण्यात आली होती का? याची चौकशी केली जाऊ शकते.