डोंबिवली : डोंबिवलीतील बांधकाम व्यावसायिक सुजित नलावडे यांनी राष्ट्रवादी काँग्रेसच्या शरद पवार गटाचे पदाधिकारी डॉ. वंडार पाटील यांच्यावर हत्येचा कट रचल्याचा आरोप केला आहे. या आरोपानुसार, नलावडे यांनी म्हटले की, मुलाच्या हत्येचा बदला घेण्यासाठी डॉ. पाटील यांनी शिवसेना शिंदे गटाचे माजी नगरसेवक महेश पाटील यांच्यावर हल्ल्याची सुपारी दिल्याची माहिती दिली आहे.
नलावडे यांनी या प्रकरणी विष्णूनगर पोलिस ठाण्यात तक्रार नोंदवली आहे. त्यांच्यामते, डॉ. पाटील यांनी रायगड जिल्ह्यातील दामत गावातील एका व्यक्तीला ही सुपारी दिल्याचे सांगितले. या आरोपाबाबत डॉ. वंडार पाटील यांनी प्रतिक्रिया दिली की, "माझ्यावर बिनबुडाचे आरोप करण्यात आले आहेत. माझा या घटनेशी काडीमात्र संबंध नाही. माझ्या मुलाच्या हत्या प्रकरणात महेश पाटील निर्दोष आहेत. आम्ही या प्रकरणात पुढे काहीही करणार नाही, तरी आपल्यावर अशा पद्धतीने दबाव आणण्याचा प्रयत्न केला जात आहे."