50% discount on bus travel for women in Vasai-Virar
विरार : पुढारी वृत्तसेवा
वसई-विरार महापालिकेने महिलांना बसप्रवासात 50 टक्के सवलत देण्याचा महत्वपूर्ण निर्णय घेतला आहे. महिलांच्या सुरक्षित आणि परवडणार्या प्रवासासाठी हा निर्णय विधायक स्नेहा दुबे यांच्या प्रयत्नानंतर घेण्यात आला आहे. महापालिका आयुक्त अनिलकुमार पवार यांनी ही योजना प्रभावीपणे राबवण्यासाठी आवश्यक प्रशासकीय दिशा-निर्देश जारी केले आहेत.
या निर्णयामुळे आता वसई-विरारमधील महिलांना सर्व वीवीएमटी ( वसई विरार मुन्सिपल ट्रान्सपोर्ट) बसमध्ये अर्ध दरात प्रवास करता येणार आहे. लवकरच सर्व बस स्थानकांवर व तिकीट खिडक्यांवर यासंदर्भातील मार्गदर्शक सूचना लागवड करण्यात येणार आहेत.वसई-विरारप्रमाणेच मीरा-भाईंदर क्षेत्रातही महिलांसाठी अशाच प्रकारची सवलत देण्याची मागणी जोर धरू लागली आहे. स्थानिक नागरीक, महिला संघटना व विविध सामाजिक संस्था या योजनेसाठी पुढाकार घेत असून, मीरा-भाईंदर महापालिकेनेही लवकरच यावर सकारात्मक निर्णय घ्यावा, अशी अपेक्षा व्यक्त होत आहे.
वसई विरार शहर महानगरपालिका अंतर्गत सध्या एकूण 130 बसगाड्या कार्यरत असून त्या वसई-विरार क्षेत्रातील 37 प्रमुख मार्गांवर प्रवाशांची वाहतूक करत आहेत. या सर्व बसगाड्यांमध्ये महिलांना तात्काळ सवलतीचा लाभ मिळणार असून, महिलांसाठी ही योजना मोठा दिलासा ठरणार आहे.
- कविता पाटील, कार्यालयीन कर्मचारी.सार्वजनिक वाहतुकीत अशी सवलत मिळणे म्हणजे आमच्यासारख्या नोकरदार महिलांसाठी मोठा दिलासा आहे.
- प्रेमा शेट्टी, गृहिणी.महिलांना सुरक्षित आणि परवडणारा प्रवास उपलब्ध करून देणे ही काळाची गरज आहे. महापालिकेचा हा निर्णय स्वागतार्ह आहे.