दोन दुचाकींची समोरासमोर धडक ः तरुण जखमी

सोलापूर ः पानमंगळरुन येथून कडबगावकडे जाताना करजगी गावाजवळ समोरून आलेल्या भरधाव दुचाकीने धडक दिली. यात ज्ञानेश्वर यल्लाप्पा शिवशरण (वय 23, रा. कडबगांव, ता. अक्कलकोट) हा जखमी झाला. उपचारासाठी त्याला सिव्हिल हॉस्पिटल येथे दाखल केले.

एसटी स्टँड येथून रेल्वे स्टेशनकडे रिक्षातून जाताना रिक्षा क्रमांक एम एच 13 जी 9632 नरसिंग गिरजी मिल गेटच्या समोर रिक्षा पलटी झाली. यात श्याम नारायण टिळे (वय 45, रा. सलगर वस्ती) हे जखमी झाले. उपचारासाठी त्यांना सिव्हिल हॉस्पिटल येथे दाखल केले.

अक्कलकोट रोड येथे घरगुती वादातून राजकुमार स्वामी याने मारहाण केली. आनंदय्या हिरेमठ (वय 32, रा. मलिकार्जुननगर) हा जखमी झाला. उपचारासाठी त्याला सिव्हिल हॉस्पिटल येथे दाखल केले.

राळेरास बस स्टॉप येथे थांबले असता शेतीच्या वादातून उमेश भोसले, किशोर सावंत व इतर तिघांनी मारहाण केल्याने गणेश वसंत भोसले (वय 40, रा. शिवाजीनगर, बाळे) हा जखमी झाला. उपचारासाठी त्याला सिव्हिल हॉस्पिटल येथे दाखल केले.

दक्षिण सोलापूर तालुक्यातील कुसूर येथे शेतात काम करताना सर्पदंंश झाला. यात लता मारुती लोहार (वय 38, रा. कुसूर, ता. दक्षिण सोलापूर) या जखमी झाल्या. उपचारासाठी त्यांना सिव्हिल हॉस्पिटल येथे दाखल करण्यात आले.