सोलापूर : अज्ञात वाहनाने धडक दिल्याने अनोळखी इसमाचा मृत्यू झाल्याची घटना कारंबा रोडवरील आर्द्रा मॉलसमोर घडली.
३१ मे रोजी पहाटे ५० ते ५५ वर्षाचा इसम कारंबा नाका जवळील आर्द्रा मॉल समोर तुळजापूर नाक्याकडे पायी जात होता. यावेळी अज्ञात वाहनाने त्यास पाठीमागून जोरदार धडक दिली. यामध्ये तो गंभीर जखमी झाला.
त्याला उपचारासाठी शासकीय रुग्णालयात दाखल केले; परंतु उपचारापूर्वी तो मयत झाला. या घटनेची नोंद सिव्हिल पोलिस चौकीत झाली. अज्ञात वाहनचालकाविरोधात जोडभावी पेठ पोलिस ठाण्यात गुन्हा दाखल करण्यात आला आहे. अधिक तपास पोलिस करीत आहेत.