सोलापूर : दक्षिण सोलापूर तालुक्यातील होटगी स्टेशन येथील आरोग्य उपकेंद्रातील आमदार सुभाष देशमुख यांचे फलक उपसरपंच सुभाष पाटोळे यांनी फोडले आहे. त्याच्यावर कारवाई करावी, अशी मागणी भाजप किसान मोर्चा संघटनने जिल्हा परिषदेचे मुख्य कार्यकारी अधिकारी कुलदीप जंगम यांना निवेदन देऊन केले आहे.
उपसरपंच पाटोळे यांनी आठ दिवसापूर्वी आरोग्य उपकेंद्र बंद ठेवले होते. तसेच काही दिवसानंतर उपकेंद्रातील आ. देशमुखांसह इतर नावे असलेले फलक रात्री साडेदहाच्या सुमारास तोडून काढले. त्यामुळे त्यांच्यासह इतर दोषी असणारे पदाधिकारी, कर्मचार्यांवर कारवाई करावे. शासकीय मालमत्तेची तोडफोड करण्याचा अधिकार कुणालाही नाही. मात्र, उपसरपंच पाटोळे यांनी फलकाची तोडफोड केली आहे. अन्यथा आंदोलन केले जाणार असल्याची माहिती भाजप किसान मोर्चा संघटनेचे पदाधिकार्यांनी सांगितले.
होटगी स्टेशन येथील आरोग्य उपकेंद्रातील फलक तोडफोड प्रकरणी माझ्याकडे तक्रारी आलेली नाही. याविषयी माहिती घेऊन पोलिसांना कळविले जाईल.- डॉ. संतोष नवले, जिल्हा आरोग्य अधिकारी
होटगी स्टेशन येथील आरोग्य उपकेंद्रातील आमदार सुभाष देशमुखसह इतर नावे असलेले फलकाची तोडफोड उपसरपंच सुभाष पाटोळे यांनी केली आहे. त्याच्यावर कारवाई करावी, असे निवेदन जि.प.चे मुख्य कार्यकारी अधिकारी जंगम यांना दिले आहे. कारवाई न झाल्यास आंदोलन केले जाणार आहे.- जगन्नाथ गायकवाड, तक्रारदार, होटगी स्टेशन