सांगोला : नवविवाहितेस घर खर्चासाठी पैसे दे, तुझ्या माहेरकडून सोने व गाडी घेऊन ये, असे म्हणून शिवीगाळी, दमदाटी करून मारहाण केली. तसेच शारीरिक व मानसिक छळ केला आहे म्हणून पती नंदकिशोर प्रकाश साळवे, सासू शालिनी प्रकाश साळवे, सासरे प्रकाश गबाजी साळवे, दीर विशाल प्रकाश साळवे रा.साकोरी टिबल्ये (ता. जुन्नर) जि. पुणे यांच्याविरुद्ध सांगोला पोलिस ठाण्यात गुन्हा दाखल करण्यात आला आहे.
याबाबत सांगोला पोलिस ठाण्याकडून मिळालेली माहिती अशी की, फिर्यादी चांदणी नंदकिशोर साळवे (वय 30) सध्या रा. कटफळ, ता. सांगोला हिला फेब्रुवारी 2023 ते दि. 1 जुलै 2025 पर्यंत फिर्यादीचे सासरी साकोरी टिबल्ये येथे नवरा नंदकिशोर प्रकाश साळवे, सासू शालिनी प्रकाश साळवे, सासरे प्रकाश गबाजी साळवे, दीर विशाल प्रकाश साळवे यांनी फिर्यादीस मला तू घरी खर्चासाठी पैसे दे, तुझ्या माहेरकडून सोने व गाडी घेऊन ये, असे म्हणून शारीरिक व मानसिक छळ केला आहे. अशा प्रकारचा गुन्हा दाखल करण्यात आला आहे. याचा तपास पोलिस लेंगरे हे करीत आहेत.