सोलापूर : घराजवळ खेळत असताना सायकलचा ब्रेक तोडण्याच्या कारणावरुन बालाजी कन्हाळे व इतर चारजणांनी मिळून मारहाण केल्याने वैभव अर्जुन कोकणे (वय ११, रा. कलावतीनगर, एमआयडीसी) हा जखमी झाला. उपचारासाठी सिव्हिल हॉस्पिटल येथे दाखल केले.
पाय घसरून पडल्याने जखमी घरी बाथरूमला गेल्यावर पाय घसरून पडल्याने आनंद अरुण वाघमारे (वय ३२, रा. सतनाम चौक, लष्कर) हे जखमी झाले. उपचारासाठी सिव्हिल हॉस्पिटल येथे दाखल केले.
मूकबधिर शाळा बिरोबा मंदिर, लोधी गल्ली येथे अज्ञात कारणावरून परशा माने याने नागमनी अशोक यलूलवार (वय ६२, रा. लष्कर) यांना मारहाण केली. त्यांना उपचारासाठी सिव्हिल येथे दाखल केले.
सायकलचा ब्रेक तोडण्याच्या कारणावरुन मुलांच्या भांडणात रवी मैनावाले व बबिता कोकणे यांनी काका पांडुरंग कानडे (५२), प्रभावती काका कानडे (४५, रा. कलावतीनगर, एमआयडीसी) यांना मारल्याने जखमी झाले. उपचारासाठी सिव्हिल हॉस्पिटल येथे दाखल केले.