सातारा : राजधानी सातार्यात ऋणानुबंध फाऊंडेशन आणि सातारा डिस्ट्रिक्ट क्रिकेट असोसिएशन यांच्या संयुक्त विद्यमाने सार्वजनिक बांधकाम मंत्री शिवेंद्रराजे भोसले यांच्या वाढदिवसानिमित्त 30 मार्च ते 4 एप्रिल या कालावधीत पश्चिम महाराष्ट्रातील पहिली राज्यस्तरीय महिला टी- 20 क्रिकेट लीग स्पर्धा आयोजित करण्यात आली आहे. छ. शाहू जिल्हा क्रीडा संकुल, सातारा येथे होणार्या या स्पर्धेत सातारा संघासह राज्यातील नामांकित महिला क्रिकेट संघांचा समावेश असणार आहे.
ना. शिवेंद्रराजे भोसले यांच्या हस्ते ऋणानुबंध फाऊंडेशन, सातारा डिस्ट्रिक क्रिकेट असोसिएशन आणि शिवेंद्रराजे भोसले मित्र समूह यांच्या उपस्थितीत स्पर्धेसाठीच्या टी-शर्ट्सचे आणि स्पर्धेच्या बॅनरचे उद्घाटन झाले. यावेळी माजी उपनगराध्यक्ष अमोल मोहिते, ऋणानुबंध फाऊंडेशनच्या संस्थापक अध्यक्ष अंजली शिंदे, सेक्रेटरी आशा भिसे, खजिनदार अंजना जठार, पुनम इंगवले, नीता सणस, विद्या किर्दत, तेजस्विनी केसरकर, समिता कुदळे, नयना कांबळे, सुहासिनी निकम, सुनिता शिंदे, इर्शाद बागवान, सुजित जाधव, सचिन माने, प्रशांत साळुंखे, विनोद वांद्रे, धनंजय जाधव, शेखर पवार, प्रशांत शहा, प्रशांत पवार, भालचंद्र निकम आदी उपस्थित होते.
या स्पर्धेत सातारा, कोल्हापूर, सोलापूर, सांगली आणि पुणे या महिला संघांचा समावेश असणार आहे. विजेत्या संघाला रोख 51 हजाराचे पहिले बक्षीस, ट्रॉफी आणि इतर खूप बक्षिसे दिली जाणार आहेत. व्दितीय क्रमांकाला रोख रु. 25 हजार व चषक, वैयक्तिक पारितोषिकांमध्ये वुमन ऑफ दी मॅचसाठी ट्रॉफी, बेस्ट फिल्डर - रोख रु. 3 हजार व चषक, बेस्ट बॅटसमन- रोख रु.3 हजार व चषक, बेस्ट बॉलर - रोख रु. 3 हजार व चषक तसेच वुमन ऑफ दी सिरीजसाठी रोख 5 हजार व चषक असे बक्षीस देण्यात येणार आहे.