Satara News: ‘पुढारी’च्या मालिकेनंतर यंत्रणा खडबडून जागी

विविध कारणांवरून अनेक कंपन्यांमध्ये खंडणी मागण्याचे प्रकार होत आहेत. मात्र, या प्रकरणांमध्ये तक्रारी दाखल होत नसल्याने पोलिसांना तपास करता येत नाही. कंपनीची होणारी बदनामी अथवा खंडणी यावर समाजात जनजागृती करणे आवश्यक आहे. कंपनी व्यवस्थापनाने खंडणीविरोधात तक्रारी कराव्या.

खंडाळा तालुक्यातील औद्योगिक वसाहतीमध्ये स्थानिक भूमिपुत्रांना नोकरीच्या संधी निर्माण करण्यासाठी प्रयत्न करणार आहोत. औद्योगिक परिक्षेत्रात वाढलेले खंडणी तसेच गुन्हेगारी घटनांना आळा घालण्यासाठी उपाययोजना केल्या जातील. कंपन्यांमध्ये रोजगारात स्थानिकांचा टक्का वाढवण्यासंदर्भात कंपन्यांना सूचना केल्या जातील.

भूमिपुत्रांना नोकरीमध्ये कायस्वरूपी करण्यासाठी कोणतीही कंपनी प्रयत्न करत नाही. सर्व कंपन्या कॉन्ट्रॅक्ट पद्धत वापरून भूमिपुत्रांना कॉन्ट्रॅक्टमध्ये काम देतात व त्यांचे वय झाल्यानंतर पुढे त्यांना आयुष्यात कुठेही परमनंट जॉब मिळत नाही. स्थानिक नेत्यांना हाताशी धरून त्यांना कॉन्ट्रॅक्ट देऊन खंडाळा तालुक्यातील भूमिपुत्रांचे नुकसान होत आहे. ज्या शेतकर्‍यांची जमीन कंपनीला दिली अशांच्या मुलांना नोकरीत कायमस्वरूपी करावे.