पाटण : कोयना धरणाचे वक्र दरवाजे चार फुटांवरून दोन फुटांपर्यंत कमी करण्यात आले आहेत.
दरम्यान, धरणातून कोयना नदीत केला जाणारा विसर्ग आणि पावसाचा जोर कमी झाल्याने धरणात होणारी पाण्याची आवक घटल्याने शुक्रवारी सकाळच्या तुलनेत सायंकाळी पाणीसाठ्यात काही प्रमाणात घट झाली आहे.
कोयना, महाबळेश्वर, नवजा यासह पाणलोट क्षेत्रात पावसाचा जोर ओसरला असून, कोयना धरणात येणार्या पाण्याचे प्रमाण व पाणी सामावून घेण्याची क्षमता लक्षात घेऊन शुक्रवारी सकाळी धरणाचे ६ वक्र दरवाजे ४ फुटांवरून ३ फूट करण्यात आले होते. तर सायंकाळी ६ वाजता वक्र दरवाजे आणखी एका फुटाने कमी करून ते २ फुटांवर स्थिर करण्यात आले आहेत.