जत; पुढारी वृत्तसेवा : प्रतापपूर (ता. जत) येथील बाळू नामदेव खांडेकर (वय 45) या शेतकर्याने गळफास घेऊन आत्महत्या केली. गुरुवारी सकाळी ही घटना उघडकीस आली. मयत खांडेकर यांची प्रतापपूर गावापासून 3 कि.मी अंतरावर शेती आहे. खांडेकर यांची पत्नी व मुलगी सांगली येथील एका दवाखान्यात गेल्या होत्या. बुधवारी रात्री मुलगा व मयत खांडेकर असे दोघेजण घरात होते. मध्यरात्रीनंतर मुलगा झोपल्याचे पाहून खांडेकर यांनी घराजवळ असलेल्या झाडास गळफास घेऊन आत्महत्या केली. याबाबत जत पोलिस ठाण्यात नोंद करण्यात आली आहे.