Water Tanker : file photo
सांगली

Sangli Water Scarcity| ७४ टँकरव्दारे ६६ गावे, ४७९ वाड्यांना पाणी

जत, आटपाडी, कवठेमहांकाळ, तासगाव तालुक्यांमध्ये टँकर सुरु

पुढारी वृत्तसेवा

सांगली : पाणी टंचाईमुळे दिवसे दिवस जिल्ह्यातील टँकरची संख्या वाढू लागली आहे. ग्रामीण पाणी पुरवठा विभागामार्फत पिण्याच्या पाण्याची टंचाई निवारणासाठी टँकर व विहीर अधिग्रहणाद्वारे प्रशासनाकडून उपाययोजना सुरू करण्यात आल्या आहेत.

सध्या ६६ खासगी व ८ शासकीय अशा ७४ टँकरव्दारे ६६ गावे व ४७९ वाड्यांतील १ लाख ४३ हजार ८८८ बाधित लोकसंख्येला व ९७ हजार ४३४ पशुधनासाठी पिण्याच्या पाण्याचा पुरवठा केला जात आहे. पाणी टंचाईवर मात करण्यासाठी ३० खासगी विहिरी, बोअर अधिग्रहित करण्यात आल्या आहेत.

जत तालुक्यातील टंचाईग्रस्त ५७ गावे व ४१४ वाड्यांमधील सुमारे १ लाख २४ हजार, ८६७ लोकसंख्येला आणि ८१ हजार २२२ पशुधनाला ६४ टँकरद्वारे (५७ खासगी व ७ शासकीय) पाणी पुरवले जात आहे. टंचाईवर मात करण्यासाठी तालुक्यात १८ खासगी विहिरी, बोअर अधिग्रहित करण्यात आल्या असून ४ डिझेल इंजिन भाड्याने घेण्यात आले आहेत.

कवठेमहांकाळ तालुक्यातील टंचाईग्रस्त १ गाव व ८ वाड्यांमधील १८३४ लोकसंख्येसाठी १ शासकीय टँकर सुरू आहे. नळपाणी पुरवठा योजनेच्या विहिरीतील पाणीसाठा अत्यंत कमी झाल्यामुळे गावात पाणीटंचाई भासू नये यासाठी २ खासगी विहिरी, बोअरचे अधिग्रहण करण्यात आले आहे. तासगाव तालुक्यातील टंचाईग्रस्त १ गाव व ६ वाड्यांमधील ८५५ लोकसंख्येला १ खासगी टँकरद्वारे पाणी पुरवले जात आहे. तालुक्यात ३ खासगी विहिरी, बोअर अधिग्रहित करण्यात आल्या आहेत.

आटपाडी तालुक्यातील टंचाईग्रस्त ७ गावे व ५१ वाड्यांमधील १६,३३२ नागरिकांना आणि १६,२१२ पशुधनाला ८ खासगी टँकरद्वारे पाणी पुरवठा सुरू आहे. या तालुक्यात ४ विहिरी, बोअर अधिग्रहित करण्यात आले आहेत. खानापूर तालुक्यात २ गावे टंचाईग्रस्त असून ३ खासगी विहिरी, बोअर अधिग्रहित करण्यात आले आहेत.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.

SCROLL FOR NEXT