कासेगाव : सुरुल (ता. वाळवा) येथील गणपती बंडू वायदंडे (वय 80) यांचे दीर्घ आजाराने निधन झाले. या धक्क्याने मुलगी सविता प्रेमानंद चव्हाण (वय 39, रा. कुंभारगाव, ता. पलूस) यांचेही निधन झाले.
गणपती वायदंडे यांचे निधन झाल्याचे समजताच सविता तातडीने कुटुंबासह सुरुलला आल्या. त्यांच्यासोबत पती, मुलगा आणि मुलगी असा परिवार होता. सविता वडिलांचे अंत्यदर्शन घेण्यासाठी आल्या, मात्र वडिलांचे पार्थिव पाहताक्षणी त्यांना मोठा धक्का बसला. त्यांच्या छातीत दुखू लागले. वडिलांच्या मृत्यूच्या धक्क्याने सविता यांचे निधन झाले. वडील व मुलीच्या पाठोपाठ निधनाने सुरुल गावात शोककळा पसरली. गणपती वायदंडे यांच्या अंत्यविधीनंतर सविता यांचे पार्थिव कुंभारगाव येथे नेण्यात आले.