पुढारी ऑनलाईन डेस्क
कडेगाव तालुक्यातील शाळगाव मधील एमआयडीसी मधील म्यानमार केमिकल कंपनी मधून मोठ्या प्रमाणावर वायुगळती झाल्याची माहिती समोर आली आहे. या विषारी वायूमूळे परिसरातील कित्येक लोकांना बाधा झाल्याचे समजते आहे. या गळतीमूळे अनेक लोक गंभीर झाले असून यातील 9 लोकांना कराडच्या सह्याद्री हॉस्पिटलमध्ये दाखल करण्यात आले आहे. काही नागरिकांची प्रकृती चिंताजनक असल्याचे समजले आहे. तर प्रशासनाने घटनास्थळी तात्काळ धाव घेत वायुगळती थांबवली.