सांगली : सांगली जिल्हा दूध व दुग्धजन्य पदार्थ उत्पादक असोसिएशनच्यावतीने म्हैस दुधाच्या खरेदी दरात वाढ झाल्याने दूध विक्रीच्या दरात दोन रुपयांनी वाढ करण्याचा निर्णय घेण्यात आला आहे. आता प्रति लिटर दूध विक्रीचा दर 68 रुपयांवरून 70 रुपये झाला आहे. ही नवी दरवाढ शनिवारपासून लागू करण्यात आल्याची माहिती असोसिएशनचे अध्यक्ष चेतन दडगे, उपाध्यक्ष अनिश बोरकर यांनी दिली.
आता दूध, दुग्धजन्य पदार्थांचे नवीन दर पुढीलप्रमाणे असणार आहेत. (कंसात जुना दर) दूध एक लिटर 70 रुपये (68 रुपये) अर्धा लिटर 35 (34), दूध 200 मि.लि. 15 (15), एक किलो बासुंदी 300 रुपये (280), एक किलो खवा 400 (380), पनीर व लूज पनीर 420 रुपये (400).
गेल्या 3-4 वर्षात म्हैस दूध खरेदी दरात मोठी वाढ झाली. परंतु ग्राहकांचा विचार करता, सर्वच उपपदार्थांची दरवाढ एकत्रित न करता टप्प्या-टप्प्याने करण्यात आली आहे. यावेळेस दही, ताक, श्रीखंड, आम्रखंड, तूप यांचे दर न वाढवण्याचा निर्णय असोसिएशनकडून घेण्यात आला आहे.- चेतन दडगे अध्यक्ष, दूध आणि दुग्धजन्य पदार्थ उत्पादक असोसिएशन, सांगली