सांगली : सोन्या-चांदीच्या दरात शुक्रवारी मोठी घसरण झाली. सोन्याचा दर प्रति दहा ग्रॅमला ४ हजार ७९१ रुपयांनी, तर चांदीचा दर प्रति किलोला तब्बल १६ हजार ४८० रुपयांनी उतरला आहे. या घसरणीमुळे ग्राहकांना मोठा दिलासा मिळाला आहे.
सराफ बाजारात गुरुवारी सोन्याचा दर प्रति दहा ग्रॅम १ लाख ५५ हजार ६३६ रुपये, तर चांदीचा दर प्रति किलो २ लाख ५४ हजार ९२५ रुपये होता. मात्र, शुक्रवारी बाजारात मोठी पडझड होऊन सोन्याचा दर प्रति दहा ग्रॅम १ लाख ५० हजार ८९५ रुपयांवर आला. तसेच चांदीचा दरही प्रति किलो २ लाख ३८ हजार ४४५ रुपयांपर्यंत खाली आला. आंतरराष्ट्रीय घडामोडी आणि बाजारपेठेतील बदलांमुळे ही मोठी घसरण झाल्याचे सांगण्यात येत आहे.