मिरजेत मुलांच्या भांडणातून दोन गटात राडा; हवेत गोळीबार, एकास अटक, पिस्तूल जप्त

मिरज : पुढारी वृत्तसेवा; फुटबॉल खेळत असताना मुलांमध्ये झालेल्या भांडणाचा वाद विकोपाला गेल्याने मिरजेत हवेत गोळीबार केल्याची घटना घडली. याप्रकरणी मिरज (Miraj) शहर पोलिसांनी दस्तगीर शौकत बावा याला अटक केली आहे. त्याच्याकडून चाळीस हजार रुपयांचे गावठी पिस्तूल जप्त करण्यात आले आहे.

मिरजमध्ये फुटबॉल खेळण्यासाठी गेलेल्या मुलांमध्ये किरकोळ कारणातून वाद झाला होता. या वादाचे पर्यावसन हाणामारीत झाले. यानंतर एका गटाने तलवार, काठीने हल्ला केला. यानंतर दुसऱ्या गटाने हवेत गोळीबार केला. यानंतर तातडीने मिरज शहर पोलिसांच्या गुन्हे शाखेने तातडीने घटनास्थळी धाव घेत हवेत गोळीबार करणाऱ्यास अटक केली. त्याच्याकडून गुन्ह्यात वापरलेली गावठी पिस्तूल जप्त करण्यात आली आहे. दरम्यान, या घटनेमुळे मात्र मिरजेत एकच खळबळ उडाली होती.