Raigad Fishing Boat Sinks
रायगड : रायगड समुद्रामध्ये मासेमारी बोट बुडाल्याची घटना घडली असून, याबाबतची माहिती अद्याप स्पष्ट झालेली नाही. बुधवारी (दि.२०) सकाळी साडेनऊ वाजता करंजा रिप्स येथे ही घटना घडली आहे. दरम्यान ही मासेमारी नौका गुजरात येथील असल्याचे समजते.
या घटनेची माहिती मिळताच सीआयएसएफ, आणि नौदलाच्या गस्त नौकाद्वारे बचावकार्य करण्यात आल्याचे सांगितले जात आहे. मात्र, अपघात कशामुळे झाला, बोटीवर किती खलाशी होते? जीवित हानी झाली आहे का? किती नुकसान झाले? याबाबत काही खुलासा झालेला नाही. महत्वाचे म्हणजे वादळी हवामानामुळे मासेमारी बंदी असतानाही सदरची बोट समुद्रात आली कशी तेही गुजरातची. नक्की प्रकार काय? याकडे आता सर्वांचे लक्ष लागून राहिले आहे
या घटनेसंदर्भात महाराष्ट्र मेरीटाईम बोर्ड, मत्स्य परवाना विभाग, कस्टम, पोलीस यांनी घटनेसंदर्भात सखोल चौकशी करावी, अशी मागणी कोळी बांधवांकडून करण्यात येत आहे.