वडगाव मावळ : सुदुंबरे येथील संतसंताजी महाराज जगनाडे पालखीचे प्रस्थान सोमवार (दि.20) रोजी होणार असून पालखी रथास हभप दत्तोबा बधाले यांच्या बैलजोडीची निवड करण्यात आली आहे. संतश्रेष्ठ जगद्गगुरू तुकाराम महाराजांचे गाथा लेखक व चौदा टाळकर्यांपैकी एक श्री संत संताजी महाराज जगनाडे पालखी सोहळा गेली 45 वर्षे सुदुंबरे ते पंढरपूर व पंढरपूर(परतीचा प्रवास)ते सुदुंबरे संपन्न होत असून रथासोबत एकूण 7 दिंड्या असतात.
सुदुंबरे येथून सोमवारी सायंकाळी 4 वाजता पालखी प्रस्थान समाधी स्थळापासून गावातील विठ्ठल रुख्मिनी मंदिरामध्येआजोळी होणार आहे. या रथास पाच बैलजोडयांपैकी निवड समितीने पाहणी करून ह.भ.प.दत्तोबा धोंडीबा बधाले, नवलाखउंब्रे-जाधववाडी ह्यांच्या बैलजोडीची निवड करण्यात आली व अश्व(घोडा) हतवळण, दौंड येथील भानुदास दशरथ गवळी यांचा आहे. दि. 21 रोजी सकाळी 8 वाजता पालखी पंढरपूरकडे मार्गस्थ होणार असल्याचे काळे यांनी सांगितले