पुणे : गेल्या आठवड्यात येथील घाऊक बाजारात कांदा पोहे आणि रवा, मैद्याच्या दरात आणखी वाढ झाली. खाद्यतेलांमधील घसरण सुरूच असून वनस्पती तुपाच्या दरात 15 किलोमागे आणखी 50 ते 75 रुपयांनी घसरण झाली. मात्र आवक- जावक साधारण असल्यामुळे अन्नधान्ये, डाळी-कडधान्ये, साखर आणि गुळाचे दर स्थिर होते. पावसाने उसंत घेतल्यामुळे गेल्या आठवड्यात बाजारात ग्राहकांची वर्दळ वाढली होती. बिगर ब्रॅन्डेड अन्नधान्यांवर जीएसटी लागू करण्यात येऊ नये, या मागणीसाठी व्यापार्यांनी एक दिवसाचा लाक्षणिक बंद पाळला.
तरीही केंद्र सरकारने हा कर दि. 18 जुलैपासून लागू केला आहे. यामुळे व्यापारी आणि ग्राहकांमध्ये नाराजी पसरली आहे. आगामी सणासुदीमुळे रवा आणि मैद्याला मागणी चांगली आहे. मात्र, मिलबर गव्हाच्या दरात मोठी वाढ झाल्यामुळे गेल्या आठवड्यातही आटा, रवा आणि मैद्याच्या दरात 50 किलोमागे आणखी 25 ते 30 रुपयांनी वाढ झाली. आवक- जावक साधारण असल्यामुळे गहू, ज्वारी आणि बाजरीचे दर स्थिर होते. तांदळाची दरवाढ कायम असून डाळी कडधान्यांची दरवाढ थांबली आहे.
खाद्यतेले मंदीतच
आंतरराष्ट्रीय बाजारात सध्या सोयाबीन आणि पामोलिन तेलाचे दर मोठ्या प्रमाणात घसरले आहेत. यामुळे आयात कमी दरात होत आहे. तसेच खाद्यतेलांचे दर कमी व्हावेत, याबाबत केंद्र सरकार आग्रही आहे. परिणामी, खाद्यतेल उत्पादक कंपन्यांकडून दरात कपात करण्यात येत आहे. यामुळे सध्या सर्वच खाद्यतेलांचे दर मंदीतच आहेत. मागणीअभावी वनस्पती तुपाच्या दरात 15 किलोमागे आणखी 50 ते 75 रुपयांनी घट झाली. आवक कमी असल्यामुळे शेंगदाणा तेलाच्या दरात मात्र 15 किलोमागे 50 रुपयांनी वाढ झाली.
भाताच्या भाववाढीमुळे पोह्याची दरवाढ सुरूच
भाताचे दर वाढल्यामुळे कांदा पोह्याची दरवाढ सुरूच आहे. गेल्या आठवड्यातही पोह्यांच्या दरात क्विंटलमागे आणखी 50 रुपयांनी वाढ झाली. मुरमुर्यावर जी.एस.टी लागू झाल्यामुळे पोत्यामागे 10 रुपयांनी वाढ झाली. आवक- जावक साधारण असल्यामुळे साखर आणि गुळाच्या दरात कोणताही बदल आढळला नाही. साबुदाणा, गोटा खोबरे या जिनसांचे दरही स्थिर असल्याचे सांगण्यात आले.
पुण्याच्या घाऊक बाजारातील दर पुढीलप्रमाणे :
साखर (प्रतिक्विंटल) : 3500-3550 रु.
खाद्यतेल (15 किलो/ लिटर) : शेंगदाणा तेल 2750-2800, रिफाईंड तेल ः 2500-3100, सरकी तेल 2150-2600, सोयाबीन तेल 1950-2200, पामतेल 1700-1950, सूर्यफूल रिफाईंड तेल 2400-2600, वनस्पती तूप 1650-2450, खोबरेल तेल 2450-2500 रुपये.
तांदूळ : गुजरात उकडा 3500-3800, मसुरी 3300-3500, सोनामसुरी 4000-4300, एच.एम.टी. कोलम 4700-5000, लचकारी कोलम 5000-5500, चिन्नोर 4000-4500, 1121-1000-10500, आंबेमोहोर (सुवासिक) 7000-8000, बासमती अखंड 11000-12000, बासमती दुबार 8000-9000, बासमती तिबार 9000-10000, बासमती मोगरा 5000-5500, बासमती कणी 3000-3500, 1509-7500-8500 रु.
गहू : सौराष्ट्र लोकवन नं. 1 3400-3700, सौराष्ट्र लोकवन नं. 2 3200-3300, एम.पी. लोकवन 2800-3200, सिहोर नं. 1 4800-5500, सिहोर नं. 2 4200-4500, सिहोरी 3200-3600, मिलबर 2625-2650 रु. ज्वारी : गावरान नं. 1-4200-4500, गावरान नं. 2-3400-3800, नं. 3 3000-3200, दूरी 2850-2950 बाजरी : महिको 3000-3200, गावरान 2700-2800, हायब्रीड 2600 रु. गूळ : गूळ एकस्ट्रा 3750-3900, गूळ नं.1 3500-3700, गूळ नं.2 3300-3450, गूळ नं.3 3150-3250, बॉक्स पॅकिंग 3500-4700 रु. डाळी : तूरडाळ 9000-10000, हरभराडाळ 6000-6200, मूगडाळ 8500-8700, मसूरडाळ 8500-8600, मटकीडाळ 11500-11800, उडीदडाळ 90000-10300 रु.
कडधान्ये : हरभरा 5500-5600, हुलगा- 6500, चवळी 7500, चवळी भारी 8000 मसूर 7600-7700, मूग 7200-7500, मटकी गावरान 12500, मटकी पॉलिश 10000, मटकी गुजरात 10000, मटकी राजस्थान 10000, मटकी सेलम 13000-13500, वाटाणा हिरवा 5500-6000, वाटाणा पांढरा 6400-6500, काबुली चणा 9000-11000 रु.
साबुदाणा : साबुदाणा नं.1 5500, साबुदाणा नं.2 5200, साबुदाणा नं.3 5000 रु. वरई भगर :11000-12000, सावा भगर 10000-11000, गोटा खोबरे 1650-1850 रुपये.
शेंगदाणा : जाडा 10500-11000, स्पॅनिश – 11000, घुंगरु 10200, टीजे 9100 रु. धने : गावरान 12000-13000, इंदूर 14000-17000 रु. मका लाल : 2450-2550, पिवळा 2475-2525, पांढरा 2700-2900 रुपये.
पोहे : मध्य प्रदेश 3650-3850, पेण 3450-3650, मध्यम पोहा-3450-3650, दगडी पोहा 3250-3850, पातळ पोहा 4150-4500, सुपर पोहा 3850-4250, भाजका पोहा 475-525, मका पोहा 600-650, भाजके डाळे 3300-3500, मुरमुरा (10 किलोस) 420-430, भडंग 675-775, घोटी 430, सुरती 440 रु.
रवा, मैदा, आटा : (50 किलोचा भाव) आटा 1450-1525, रवा 1530-1575, मैदा 1530-1575 रु. बेसन : (50 किलोस) 3300-3600 रु.
मीठ : मीठ खडे (50 किलोस) 230, मीठ दळलेले (50 किलोस) 260 रु. मिरची : काश्मीरी ढब्बी 45000-47000, ब्याडगी 35000-37000, लवंगी तेजा 23000-25000, गुंटूर 25000-27000, खुडवा गंटूर 5500-6000, खुडवा ब्याडगी 4000- 4500 रु. नारळ : (शेकड्याचा भाव): नवा नारळ पॅकिंग 1300-1350, मद्रास 2500-2600, पालकोल जुना 1450-1500, सापसोल 2000-2500 रु.