पिंपरी : पती आणि सासूच्या छळाला कंटाळून विवाहितेने गळफास घेऊन आत्महत्या केली. ही घटना रविवारी (वय 26) साईनगर, मामुर्डी येथे घडली. पती मिलिंद महेंद्र कांबळे (वय 35), सासू (दोघे रा. साईनगर, मामुर्डी) अशी गुन्हा दाखल झालेल्यांची नावे आहेत. याप्रकरणी विवाहितेचे वडील सुरेश गोपाळ भालेराव (63, रा. विकासनगर, देहूरोड) यांनी सोमवारी (दि. 27) देहूरोड पोलिस ठाण्यात फिर्याद दिली आहे. फिर्यादी यांची मयत 32 वर्षीय मुलगी आणि मिलिंद यांचा विवाह झाला होता.
सन 2015 ते 26 जून 2022 या कालावधीत पती मिलिंद आणि सासूने फिर्यादी यांच्या मुलीला शिवीगाळ, मारहाण करून अपमानास्पद वागणूक दिली. तसेच, तिचा शारीरिक व मानसिक छळ केला. या छळाला कंटाळून फिर्यादी यांच्या मुलीने रविवारी राहत्या घरी गळफास घेऊन आत्महत्या केली. पोलिसांनी दोन्ही आरोपींना अटक केली आहे.