पिंपरी : पान टपरीत गांजा विक्री करणार्या तिघांवर पोलिसांनी गुन्हा दाखल केला. तिघांना अटक करून त्यांच्याकडून एक किलो 740 ग्रॅम गांजा जप्त करण्यात आला आहे. गुरुवारी (दि. 23) दुपारी दीडच्या सुमारास ही कारवाई करण्यात आली. शाहरुख नासिर खान (19, रा .इंदोरी, ता. मावळ. मूळ रा. उत्तर प्रदेश), निलेश विष्णू काळे (49, रा. तळेगाव दाभाडे), परशुराम परकाळे (रा. मांदली, जि. अहमदनगर) अशी गुन्हा दाखल झालेल्या आरोपींची नावे आहेत.
याप्रकरणी पोलिस हवालदार राजेंद्र बांबळे यांनी चाकण पोलिस ठाण्यात फिर्याद दिली आहे.आरोपी चाकण-तळेगाव रस्त्यावर येलवाडी येथे एका पानटपरीत गांजा विक्री करीत होते. याबाबत अंमली पदार्थ विरोधी पथकाला माहिती मिळाली. त्यानुसार, पोलिसांनी गुरुवारी दुपारी पानटपरीवर छापा मारून कारवाई केली.
या कारवाईमध्ये पोलिसांनी एक किलो 740 ग्रॅम गांजा आणि 700 रुपये रोख रक्कम, असा 45 हजार 75 रुपयांचा गांजा जप्त केला आहे. आरोपी शाहरुख याने आरोपी निलेश यांच्याकडून गांजा आणला होता. तर, निलेश याने परशुराम यांच्याकडून गांजा आणला असल्याचे पोलिस तपासात निष्पन्न झाल्याने तिघांच्या विरोधात गुन्हा दाखल करण्यात आला आहे.