चाकण; पुढारी वृत्तसेवा: खेड कृषी उत्पन्न बाजार समितीच्या चाकण येथील महात्मा फुले मार्केट यार्डमध्ये श्रावणामुळे पालेभाज्यांची आवक वाढली आहे. कारली, हिरवी मिरची, कांदा व कोबीची आवक वाढून भावातही वाढ झाली. बटाटा व टोमॅटोची देखील मोठी आवक झाली. जळगाव येथून भुईमूग शेंगांची आवक सुरू झाली आहे. लसणाची आवक घटून भाव स्थिर आहेत. चाकण येथील बाजारात कांद्याची एकूण 1,250 क्विंटल इतकी आवक झाली. गेल्या शनिवारच्या तुलनेत ही आवक 250 क्विंटलने वाढून भावात 50 रुपयांची वाढ झाली. कांद्याचा कमाल भाव 1,350 रुपयांवरून 1,400 रुपयांवर पोहचला आहे.
बटाट्याची एकूण 3,000 क्विंटल इतकी आवक झाली. गेल्या शनिवारच्या तुलनेत ही आवक 750 क्विंटलने वाढून कमाल भाव 2,100 रुपयांवर स्थिरावला. जळगाव भुईमूग शेंगाची एकूण 15 क्विंटल इतकी आवक झाली असून, या शेंगांना 5 हजार 500 रुपयांपर्यंत भाव मिळाला. लसणाची एकूण 25 क्विंटल इतकी आवक झाली. गेल्या शनिवारच्या तुलनेत ही आवक दुपटीने घटली व कमाल भाव 4 हजार रुपयांवर स्थिरावला. हिरव्या मिरचीची एकूण 305 क्विंटल इतकी आवक झाली. हिरव्या मिरचीला 3 हजार रुपयांपासून 5 हजार रुपयांपर्यंत भाव मिळाला. शेतीमालाची एकूण आवक व बाजारभाव पुढीलप्रमाणे : कांदा : आवक 1,250 क्विंटल : भाव क्रमांक एक-1,400 रुपये, भाव क्रमांक दोन – 1,200 रु., भाव क्रमांक तीन – 800 रु.
बटाटा : आवक 3,000 क्विंटल : भाव क्रमांक एक-2,100 रु., भाव क्रमांक दोन-1,900 रु., भाव क्रमांक तीन- 1,700 रु.
फळभाज्यांची एकूण आवक व प्रतिदहा किलोचे भाव कंसात : टोमॅटो – 282 क्विंटल ( 800 ते 1,200 रु.), कोबी – 173 क्विंटल (2,000 ते 3,000 रु.), फ्लॉवर – 208 क्विंटल (1,000 ते 2,000 रु.), वांगी – 86 क्विंटल (3,000 ते 5,000 रु.), भेंडी – 59 क्विंटल ( 6,500 ते 7,500 रु.), दोडका – 57 क्विंटल (3,000 ते 4,000 रु.), कारली – 64 क्विंटल (2,500 ते 3,500 रु.), दुधीभोपळा – 63 क्विंटल ( 1,000 ते 2,000 रु.), काकडी – 71 क्विंटल (1,000 ते 2,000 रु.), फरशी – 8 क्विंटल (10,000 ते 12,000 रु.), वालवड – 34 क्विंटल (4,000 ते 6,000 रुपये).
गवार – 54 क्विंटल (4,500 ते 5,500 रू.), ढोबळी मिरची – 118 क्विंटल (1,500 ते 4,500 रु.), चवळी – 29 क्विंटल ( 3,000 ते 4,000 रु.), वाटाणा – 70 क्विंटल (5,000 ते 7,000रु.), शेवगा – 28 क्विंटल (3,000 ते 5,000 रु.), गाजर – 66 क्विंटल (3,000 ते 4,000 रु.).
पालेभाज्यांची एकूण आवक व भाव कंसात : मेथी 20 हजार 350 जुड्या (1,000 ते 2,000 रु.), कोथिंबीर 31 हजार 520 जुड्या (1,000 ते 1,500 रु.), शेपू 3 हजार 450 जुड्या (800 ते 1,200 रु.), पालक 2 हजार 160 जुड्या (1,000 ते 1,400 रु.).
जनावरांच्या बाजारात 2 कोटी 35 लाखांची उलाढाल
चाकण गुरांच्या बाजारात जर्शी गाय, बैल, म्हैस व शेळ्या-मेंढ्यांच्या संख्येत वाढ झाली. या बाजारात एकूण उलाढाल 2 कोटी 35 लाख रुपयांची झाली. या बाजारात विक्रीसाठी आलेल्या 65 जर्शी गायींपैकी 42 गायींची विक्री (15 ते 50 हजार रु.) झाली. तसेच 75 बैलांपैकी 47 बैल (15 ते 35 हजार रु.), 140 म्हशींपैकी 110 म्हशी (25 ते 60 हजार रु.) आणि 3,120 शेळ्यांपैकी 2,850 शेळ्यांची विक्री (2 ते 12 हजार रु.) झाली.