चाकण : चाकणमध्ये रात्रीच्या वेळी मोबाईल चोरणार्‍यास पाठलाग करून पकडून पोलिसांच्या स्वाधीन करण्यात आले. अक्षय चौहान ( वय 24, सध्या रा. मेदनकरवाडी, ता खेड ) असे आरोपीचे नाव आहे. त्याच्या विरोधात चाकण पोलिस ठाण्यात गुन्हा दाखल केला आहे.
याबाबत भुवेश महाले ( वय 23, रा. शिवणी ता. आमगाव जि.गोंदिया ) यांनी फिर्याद दिली आहे. फिर्यादी महाले बुधवारी (दि.3) रात्री चाकणकडून पुण्याकडे चालत जात होते. त्यावेळेस आरोपी चौहानने फिर्यादींचा मोबाईल हिसकावला. फिर्यादीने पाठलाग करून पकडून आरोपीला पोलिसांच्या ताब्यात दिले.