पुणे : पुढारी वृत्तसेवा: एसटीच्या पुण्यातून सुरू झालेल्या इलेक्ट्रिक बससेवेला महिना झाला असून, या महिनाभराच्या कालावधीत पुणे-नगर-पुणे मार्गावर दोन गाड्यांच्या माध्यमातून 4 हजार 428 प्रवाशांनी प्रवास केला आहे. एसटी महामंडळाला त्याद्वारे 10 लाख 21 हजार रुपयांचे उत्पन्न मिळाले. महाराष्ट्र राज्य मार्ग परिवहन महामंडळाने पुणे-नगर मार्गावर 1 जून 2022 रोजी पहिली इलेक्ट्रिक एसटी सुरू केली.
या गाडीला आता महिना झाला आहे. या इलेक्ट्रिक गाड्यांना प्रशासनाने 270 रुपये तिकीट ठेवले आहे. एक ई-गाडी पुण्यातून सुटते तर दुसरी गाडी नगरहून सुटते. या दोन गाड्यांच्या माध्यमातून पुणे-नगर-पुणे चार फेर्‍या होतात. या गाड्यांना पहिल्याच महिन्यात प्रवाशांचा चांगला प्रतिसाद मिळाला.
पुणे-नगर ई-एसटी…
पुण्याहून सुटलेली ई-एसटी
2 हजार 528 प्रवासी- 5 लाख 64 हजार रुपयांचे उत्पन्न (कालावधी-एक महिना)
नगरहून सुटलेली ई-एसटी – 1 हजार 900 प्रवासी – 4 लाख 57 हजार रुपयांचे उत्पन्न
.