पुणे; पुढारी वृत्तसेवा : जिल्हाधिकारी कार्यालयासमोर महसूल कर्मचारी संघटनेच्या वतीने जोरदार घोषणाबाजी करण्यात आली. त्यानंतर कर्मचारी शासकीय मध्यवर्ती इमारतीसमोर जोरदार निदर्शने करण्यासाठी सहभागी झाले.
पुनर्वसन शाखा.. वेळ : सकाळी 11वाजून 55 मिनिट
पुनर्वसन शाखेत शुकशुकाट होता. यावेळी एक तरुण आंबेगाव तालुक्यातून आलेला. त्याला संबंधित टेबलच्या अधिकऱ्यांनी आज बोलावलं होतं. डिंभे धरणात जमीन गेली आहे, 2002मध्ये मिळालेली जमीन ही पूर्णपणे खडकाळ आहे, मोजणीनंतर हा प्रकार समोर आला. आता ती बदलून हवी.. त्यामुळे मी आलो आहे..
जिल्हा पुरवठा विभाग सकाळी : 12 वाजून 7 मिनीट
तीन ते चार कर्मचारी बसलेली होती. विभागाचे उपजिल्हाधिकारी सुरेखा माने ह्या आपल्या कक्षात बसून होते. यावेळी एक तक्रारदार आपले म्हणणे मांडत होता. परंतु, बहुतांश टेबल रिकामे होते.