पुणे: पुणे पदवीधर निवडणूक मतदारसंघ निवडणुकीसाठी भारतीय जनता पार्टीच्या उमेदवार डॉ. स्मिता योगेश जाधव यांना फायनान्स कर्मचारी असोसिएशनकडून पाठिंबा देण्यात आला आहे, अशी माहिती असोसिएशनचे अध्यक्ष सागर भांड यांनी दिली आहे.
डॉ. स्मिता जाधव या उच्चशिक्षित उमेदवार असून, पदवीधारकांच्या प्रश्नांसाठी त्या पाठपुरावा करून प्रश्न सोडवू शकतात, याची आम्हाला आशा आहे. केंद्रात आणि राज्यातही भारतीय जनता पार्टीचे सरकार आहे, त्यामुळे सत्तेच्या माध्यमातून पदवीधारकांचे प्रश्न सोडविले जाऊ शकतात.
त्यामुळे पदवीधरांचे विविध प्रश्न सोडविण्यासाठी आम्ही डॉ. स्मिता जाधव यांना पाठिंबा देण्याचा निर्णय घेतला असून, त्यांच्याबरोबर प्रचारातदेखील सहभागी होणार असल्याचे भांड यांनी स्पष्ट केले आहे. फायनान्स असोसिएशनचे पुणे पदवीधर मतदारसंघाच्या पाचही जिल्ह्यांत भरपूर पदवीधर मतदार आहेत. त्यांचे एकगठ्ठा मतदान डॉ. स्मिता जाधव यांना दिले जाणार असल्याची ग्वाही असोसिएशनच्या वतीने भांड यांनी दिली आहे.