पुणे : शहरातील वंचित बहुजन आघाडीच्या पुणे कॅन्टोन्मेंट, शिवाजीनगर, कसबा, पर्वती, खडकवासला, हडपसर या मतदारसंघांतील उमेदवारांच्या प्रचारासाठी वंचित बहुजन आघाडीचे नेते अॅड. प्रकाश आंबेडकर यांची सभा उद्या शनिवारी (दि. 16 नोव्हेंबर) सायं. 6 वाजता नाना पेठेतील अहिल्याश्रमाच्या डॉ. बाबासाहेब आंबेडकर महाविद्यालय पटांगणात होणार आहे. या सभेला वंचित बहुजन आघाडीचे राज्यातील प्रमुख मान्यवरही उपस्थित राहणार आहेत.
पुणे कॅन्टोन्मेंटचे उमेदवार नीलेश आल्हाट, कसबाचे उमेदवार प्रफुल्ल गुजर, वडगाव शेरीचे विवेक लोंढे, शिवाजीनगरचे परेश शिरसंगे, कोथरूडचे योगेश राजापूरकर, खडकवासलाचे संजय धिवार, पर्वतीच्या सुरेखा गायकवाड, हडपसरचे अॅड. अफराज मुल्ला या उमेदवारांच्या प्रचारासाठी जाहीर सभेचे आयोजन केले आहे. शहरातील कार्यकर्त्यांनी उपस्थित राहण्याचे आवाहन राज्याचे महासचिव सागर आल्हाट, शहर अध्यक्ष अॅड. अरविंद तायडे, सोनूभाऊ निकाळजे, अविनाश मोरे यांनी पत्रकार परिषदेत केले.