चाकण : खेड कृषी उत्पन्न बाजार समितीच्या चाकण येथील महात्मा फुले मार्केट यार्डमध्ये कांद्याची आवक वाढली. तरकारी मालाची आवक वाढून भाव स्थिर राहिले. गुरांच्या बाजारात शेळ्या – मेंढ्यांच्या संख्येत वाढ झाली. एकूण उलाढाल 4 कोटी 60 लाख रुपये झाली. चाकण मार्केटमध्ये या आठवड्यात कांद्याची आवक 8 हजार क्विंटल झाली. मागील आठवड्याच्या तुलनेत आवक 1 हजार क्विंटलने वाढली. कमाल भाव 1 हजार 400 रुपयांवर स्थिर राहिला. बटाट्याची एकूण आवक 2 हजार 250 क्विंटल झाली.
गेल्या आठवड्याच्या तुलनेत आवक 150 क्विंटलने वाढली. भावात 200 रुपयांची घट झाली. बटाट्याचा कमाल भाव 1 हजार 400 रुपयांवरून 1 हजार 200 रुपयांवर स्थिरावला. लसणाची एकूण आवक 20 क्विंटल झाली. गेल्या आठवड्याच्या तुलनेत आवक 75 क्विंटलने घटून लसणाचा भाव 7 हजार रुपयांवर स्थिरावला. हिरव्या मिरचीची एकूण आवक 395 क्विंटल झाली. गेल्या आठवड्याच्या तुलनेत आवक 55 क्विंटलने वाढली. हिरव्या मिरचीला 3 हजार ते 6 हजार रुपयांपर्यंत भाव मिळाला.
शेतीमालाची आवक व बाजारभाव पुढीलप्रमाणे : कांदा – एकूण आवक – 8 हजार क्विंटल. भाव क्रमांक 1. 1 हजार 400 रुपये, भाव क्रमांक 2. 1 हजार 100 रुपये, भाव क्रमांक 3. 800 रुपये. बटाटा – एकूण आवक – 2 हजार 250 क्विंटल. भाव क्रमांक 1. 1 हजार 200 रुपये, भाव क्रमांक 2. 1 हजार 50 रुपये, भाव क्रमांक 3. 700 रुपये.
फळभाज्या : फळभाज्यांची एकूण आवक क्विंटलमध्ये व प्रतिदहा किलोंसाठी मिळालेले भाव पुढीलप्रमाणे : टोमॅटो : 350 क्विंटल (800 ते 1,200 रुपये), कोबी – 230 क्विंटल (300 ते 500), फ्लॉवर – 208 क्विंटल (1,000 ते 1,500), वांगी – 104 क्विंटल (500 ते 1,500), भेंडी – 60 क्विंटल (3,500 ते 4,500), दोडका – 63 क्विंटल (3,000 ते 4,000), कारली – 69 क्विंटल (2,000 ते 3,000), दुधीभोपळा – 62 क्विंटल (1,000 ते 2,000), काकडी – 74 क्विंटल (2,000 ते 3,000), फरशी – 69 क्विंटल (2,000 ते 3,000), वालवड – 63 क्विंटल (1,500 ते 2,500), गवार – 14 क्विंटल (7,000 ते 9,000), ढोबळी मिरची – 136 क्विंटल (2,000 ते 3,000), चवळी – 24 क्विंटल (2,000 ते 3,000), वाटाणा – 100 क्विंटल (4,500 ते 5,500), शेवगा – 11 क्विंटल (4,000 ते 5,000), गाजर – 175 क्विंटल (1,000 ते 1,500).
-पालेभाज्या : चाकण येथील बाजारात पालेभाज्यांची एकूण आवक जुड्यांमध्ये व मिळालेले भाव पुढीलप्रमाणे : मेथी : एकूण 26 हजार 540 जुड्या (400 ते 600 रुपये), कोथिंबीर – एकूण 32 हजार 500 जुड्या (300 ते 500), शेपू – एकूण 2 हजार 100 जुड्या (400 ते 800), पालक – एकूण 3 हजार 950 जुड्या (300 ते 500).
जनावरे : जनावरांच्या बाजारात विक्रीसाठी आलेल्या 45 जर्शी गाईपैकी 37 गाईंची विक्री झाली.(15,000 ते 55,000 रुपये), 145 बैलांपैकी 110 बैलांची विक्री झाली (15,000 ते 45,000), चाकणला विक्रीसाठी आलेल्या 190 म्हशींपैकी 180 म्हशींची विक्री झाली. म्हशीला 30 हजार ते 80 हजार रुपये भाव मिळाला. शेळ्या – मेंढ्यांच्या संख्येत घट झाली. विक्रीसाठी आलेल्या 9,850 शेळ्यांपैकी 9,050 शेळ्यांची विक्री झाली. शेळ्यांना 2 हजार रुपयांपासून 20 हजार रुपयांपर्यंत भाव मिळाला.