पुणे: मान्सूनची अरबी समुद्रात जोरदार प्रगती सुरू असून, तो श्रीलंकेत मुक्कामी आहे. केरळात 26 मे रोजी मान्सून येणार असल्याने महाराष्ट्रापर्यंत ढग आणि वारे येत आहेत. वाऱ्यांचा वेग वाढल्याने शुक्रवारी काही भागांत जोरदार मान्सूनपूर्व सरी बरसल्या.
पुण्यातील चिंचवड भागात 60 मि. मी. पावसाची नोंद झाली. विदर्भात मात्र उन्हाचा तडाखा कायम असून, ब्रह्मपुरी येथे 47.2 अंश तापमानाची नोंद झाली.
मराठवाड्यातही पावसाने हजेरी लावली. धाराशिव येथे जोरदार सरी बरसल्या तेथे 10 मि.मी. पावसाची नोंद झाली. दरम्यान, मान्सूनने अरबी समुद्रात प्रगती केली असून, तो केरळच्या दिशेने निघाला आहे. केरळमध्ये 26 मे रोजी मान्सून येणार असल्याचा अंदाज हवामान विभागाने दिला आहे.