पुणे: अल निनोचा प्रभाग झूगारून मान्सून वेळेवरच म्हणजे 21 ते 25 मे दरम्यान अंदमानात दाखल होईल. केरळ मध्ये तो 3 ते 5 जुन दरम्यान तळकोकणात 7 ते 9 जून आणि मुंबई, पुण्यात येण्यास 12 ते 14 जून उजाडेल.
अंदमानच्या सागरात मान्सूनची हालचाल सुरू असल्याचे वृत्त दैनिक पुढारीने सर्वप्रथम चार दिवसांपूर्वी दिले होते. त्याला हवामान विभागाने पुष्टी दिली आहे.या आठवड्याच्या अखेरीस, दक्षिण बंगालचा उपसागर, अंदमान समुद्र, निकोबार बेटांच्या काही भागांवर नैऋत्य मोसमी वाऱ्यांच्या प्रगतीसाठी अनुकूल परिस्थिती निर्माण होण्याची शक्यता आहे.
उष्णतेची कायम राहणार....
पुढील ४-५ दिवसांत पूर्व राजस्थान व त्याला लागून असलेला मध्य भारत, गुजरात आणि महाराष्ट्राच्या काही तुरळक भागांतही उष्णतेची लाट सक्रिय राहील.
पुढील ४-५ दिवसांत तामिळनाडू, पुद्दुचेरी व कराईकल, केरळ व माहे आणि दक्षिण अंतर्गत कर्नाटकच्या काही तुरळक भागांत मुसळधार पाऊस पडण्याची शक्यता आहे.
उप-हिमालयीन पश्चिम बंगाल आणि आसाम व मेघालयच्या काही तुरळक भागांत 'मुसळधार पाऊस' (७-११ सें.मी.) नोंदवला गेला आहे.