भिगवण : पुण्याच्या दिशेने जाणाऱ्या लक्झरी बसचा पुढील ट्रकला धडकून झालेल्या अपघातात एकजण ठार झाला, तर १५ ते २० जण गंभीर जखमी झाले आहेत. हा अपघात बुधवारी (दि. २५) पहाटे चार वाजण्याच्या सुमारास पुणे-सोलापूर राष्ट्रीय महामार्गावर दौंड तालुक्यातील खडकी जवळील विसावा हॉटेल नजीक झाला.
मध्यरात्रीच्या सुमारास अपघात झाल्याने यातील मृत व जखमींची नावे समजलेली नाहीत. अपघात नेमका कशामुळे व कसा झाला हेही पुढे आले नाही; मात्र ट्रकला लक्झरी बसची पाठीमागून धडक बसल्याचे प्राथमिक दिसत आहे. घटनास्थळी केतन वाघ यांच्या आपुलकीची जागा रुग्णवाहिका पोहोचल्याने यातील जखमींना लवकर भिगवण येथील खासगी उपचारासाठी दाखल करण्यात आले आहे.