मागण्या मान्य होईपर्यत संप मागे घेणार नाही. संघटनेच्या पदाधिका-यांचा इशारा
भूमिअभिलेखच्या पुणे प्रदेश विभागातील सर्व कार्यालये संपामुळे पडली ओस
पुणे : राज्यातील भूमी अभिलेख कर्मचार्यांच्या गेल्या अनेक वर्षापासून प्रलंबित असलेला तांत्रिक वेतनश्रेणीचा प्रश्न सोडविण्यात शासनाकडून होत असलेल्या दिरंगाईच्या निषेधार्थ महाराष्ट्र राज्य भूमी अभिलेख कर्मचारी संघटना पुणे विभाग या संघटनेने गुरूवार (दि.15) बेमुदत काम बंद आंदोलन सुरू केले आहे. त्यामुळे भूमिअभिलेखच्या पुणे विभागातील सर्वच कार्यालयांचे कामकाज ठप्प पडले असून,कार्यालये ओस पडली आहेत.
दरम्यान पुण्यातील भूमी अभिलेख कार्यालयाच्या बाहेर आंदोलनाने जोर धरला आहे. त्यामुळे परिसर आंदोलकांच्या घोषणांनी दुमदुमून गेला आहे. दरम्यान या आंदोलनास राज्यातील भूमिअभिलेखच्या सर्व संघटनांनी पाठिंबा दिला आहे. अशी माहिती संघटनेचे अध्यक्ष विजय मिसाळ, सरचिटणीस अजित लांडे, धनाजी बाबर, कार्याध्याक्ष सुधीर पाटील यांनी दिली आहे.
भूमी अभिलेख विभागातील कर्मचाऱ्यांना तांत्रिक वेतन श्रेणी देण्याकरिता शासनाने तत्कालीन जमाबंदी आयुक्त एन. के . सुधांशु यांचे अध्यक्षतेखाली कमिटी स्थापन कडून अहवाल मागितला होता, त्याला जवळपास एक वर्षाचे वर कालावधी लोटला. परंतु, अद्यापपर्यंत त्या अहवालावर शासनाने कोणताही निर्णय घेतला नाही. त्यामुळे राज्यभरातील कर्मचाऱ्यांमध्ये वेतनश्रेणीच्या प्रश्नावर तीव्र असंतोष आहे.
भूमिअभिलेख खात्यामधील कर्मचार्यांच्या सेवा भरती नियमा शासनाने 2012 मध्ये दुरुस्ती करून सर्वपदाकरिता तांत्रिक अहर्ता निश्चित केल्यामुळे 2012 पासून या खात्यामधील सर्वच पदाकरिता बी इ सिविल डिग्री, सिविल डिप्लोमा अशी शैक्षणिक अहर्ता लागू केल्यामुळे या खात्यात सर्व पदावर तांत्रिक अहर्ता प्राप्त केलेले कर्मचाऱ्यांनाच नियुक्ती दिल्या जातात परंतु या पदाकरिता पगार हा कारकून संवर्गातील दिल्या जात असल्यामुळे कर्मचारी वर्गात तीव्र असंतोष आहे. तसेच 2014 साली संघटनेने केलेल्या आंदोलनातील कर्मचा-यांना अनेक वेळा आंदोलन करून अजुनही वेतन मिळालेले नाही.यासह इतर अनेक मागण्या आहेत.