वाल्हे : जेऊर-निरा मार्गावर असणार्‍या पिंपरे खुर्द हद्दीतील जेऊर फाटा (ता. पुरंदर) येथील रेल्वे गेट सोमवारी (दि. 19) सकाळी 7 ते सायंकाळी 7 वाजेपर्यंत वाहतुकीसाठी बंद राहणार असल्याची माहिती रेल्वे प्रशासनाने दिली. यादरम्यान नागरिकांनी वाहतुकीसाठी पर्यायी मार्गाचा वापर करावा, असे रेल्वे प्रशासनाच्या वतीने सांगण्यात आले.
निरा-जेऊर, मांडकी, वीर, सारोळा या मार्गावर मिरज-पुणे रेल्वेलाइनवरील जेऊर फाटा येथे रेल्वेचे 28 नंबर किलोमीटर 80/4-5 गेट आहे. हे गेट रेल्वेमार्गाचे काम करण्यासाठी व निरीक्षणासाठी सोमवारी बारा तास बंद राहणार आहे, अशी माहिती रेल्वेच्या जनसंपर्क अधिकार्‍यांनी मांडकी व जेऊर ग्रामपंचायतीला दिली आहे. यादरम्यान जेऊर, मांडकी, लपतळवाडी, वीर, सारोळा येथील नागरिकांनी वाहतुकीसाठी पर्यायी मार्गाचा वापर करावा, असे आवाहन करण्यात आले आहे.